Belaguako bailara - Linzako aterpetxea

Urteroko legez, aurten ere, Txatxarroko mendi taldeko lagunekin Belagoako bailaran egun eder batzuk igaro ditut urtarrileko lehen astean. 

Bi mendi irteera egiteko aukera izan genuen. Lehena, hemengo hau, Txamantxoiari bira (nahiz eta azkenean batzuk, Belagoa - Linza soilik egin genuen) eta bigarrena, Chinebral de Gamueta-ra bisita. 

SARRERA

Txamantxoia edo Maze, mendebaldeko Pirineoetan dagoen euskal mendia da. 1941 metro ditu eta Huescarekin muga egiten du. 

Belagoa eta Anso bailaren artean egiten du muga. 

GURE BIDEA

Isabatik bailaran barrena 8 kilometro egin ondoren eskubian zubitxo bat aurkituko dugu. Bertan hasiko dugu bidea. Ondoren basotik igoaz, Asolazetik datorren pistara azalduko gara. Bertatik aurrera jarraituko dugu Marengo baserritik gora doan bidearekin topo egin arte. Bidea hontatik aurrera goiko zelaietara irtengo gara. Hemen ordea, tontor aldera jo beharrean (zuzen jarraitu behar da), Txamantxoiaren ezker magaletik joango gara Aztaparretako leporarte. Bertatik behera Linzako Aterpetxera doan bidea jarraitzea besterik ez dugu izango.

DESKRIBAPENA

Egun ederra daukagu aurretik. Eguraldi ederra dago eta elurra zapaltzeko aukera ederra izango dugu.

Atzo arratsean Txamantxoaiak zuen itxura

Gaur goizean Lakorak duena. Ederra!

Haserako zubia, 00:00. 917m. Zubia pasa eta zuzen aurrera jo behar dugu, ondoren basoan sartu eta pixkanaka ezker aldera joaz. Basoa zeharkatzen joan ahala, bailarako mendiak ikusteko aukera izango dugu. Azkenik pistara azalduko gara, bertatik aurrera joaz, Marengo baserritik datorren igoerarekin bat egin arte.

Zubitik darraigun bidea

Taldea basoan sartzera doa

Keleta eta Binbalet

Marengoko bidearekin topo egiten den lekua

Marengoko igoera, 00:38. 1115m. Igoerarekin topo egitean, eskubira hartu behar dugu berau jarraitzeko. Pista utzi eta basora sartuko gara berriz. Goiko zelaira irten arteko zati hau ederra da oso. Elurrez betea dago eta argazki zoragarriak ateratzeko aukera emango digu.

Zuhaitz erori bat

Taldea goruntz doa pixkanaka

Negua ederra da!

Basoa hasi da paisaiaz gozatzeko aukera ematen

Keleta

Binbalet mendia

Baso elurtua

Goiko zelairako basoko irteera

Goiko zelaia, 1:20. 1405m. Hemendik aurrera jarraitu ezkero, tontorrera doan bidean izango gara. Guk ordea ezkerrera hartuko dugu, mendia ezker magaletik inguratuko baitugu Aztaparretako leporarte.

Otsogorrigaña

Larrondoa

Lakora eta Belagoako aterpetxe zaharra

Anie, Lapakiza, Petretxema, Sobarcal, Acherito, Chinebral... 

Chinebral de Gamueta, biharko irteera

Pixkanaka bagoaz mendia inguratzen ezkerraldetik. Paisai ederrak ditugu eta elurra gogotsu zapaltzen ari gara.

Aztaparretaraino egingo dugun bidea

Honaino eginikoa

Taldea Petretxema mendiaren begiradapean

Aztaparreta lepo inguruak, 03:20. 1775m. Aztaparretako lepora iritsi gabe ekingo diogu beherako bideari. Jada Linzako inguruak begiztatzen ditugu eta gertu ikusten dugu amaiera.

Txamantxoia tontorra

Alano mendizerra

Linzako bailarara iristeko basoko irteera

Linzako bailara

Linzako aterpetxea

Linza, 03:55. 1340m. Batzuentzat nahiko izan da gaurkoz eta Zuriza aldera joango gara beste taldekide batek autoz gurekin topo egin arte. Besteak Txamantxoiaren beste magaletik berriro ere Belagoako bailarara joango dira.

Beti gazte!

Biharko egunaren zain, beti gazte!

TRACKA ETA DATUAK

Tracka (Wikiloc): http://es.wikiloc.com/wikiloc/view.do?id=3830796

TopoPiris

Google Earth

Altuera perfila