Urbasa: "Iturrien bidea" (erdia)

Elurra, elurra eta elurra. 

Hori izan da azken egun hauetan egin duena. Atzo Iraule inguruan ibili ostean, gaur, Urbasara egin dut bisita gurasoekin. Aspaldian elurra zapaldu ez eta gogotsu zeudela esan baitzidaten. Egia esan paseo ederra emateko aukera izan dugu, egun ederra egin baitigu.

GURE BIDEA

Guk eginiko paseoa "Ruta de las fuentes" edo "Iturrien bidea" deiturikoaren erdia da. Urbasako Jauregi ondotik irten (Albertoren Txabola-tik) eta errepidearen eskubi aldean iturri desberdinak bisitatuz emango dugu bira. Bukatzeko errepidera aterako gara (hemen berez bideak aurrera jotzen du, errepidea gurutzatuz) eta errepidez kotxera itzuliko gara.

DESKRIBAPENA

Egia esan, elurrik gabe, bideak ez du inongo galbiderik. Hiru zuhaitzetik behin pintura markak aurki ditzakegu eta gainera, jendez lepo izan ohi da. Gaur, elurrarekin zertxobait zailtzen da bidea, baina ez galtzeko moduan. Beraz, bidearen nondik norakoak ez ditut idatziko. Hemen dituzue argazkiak.

Haserako paisaia

Hor behean dago lehen iturria

Amabirjina daukan zuhaitza

Gortasoroko iturria

Gortasorora iristerakoan aurrera jarraitu behar dugu elektrizitate poste batera iritsi arte. Bertan, eskubian izango dugu hirugarren iturria, eta bideak berriz, ezkerrera egiten du.

Trikuharria

Ezkerrera hartu beharreko unea

Errepidera irteterakoan, "Iturrien bidea"-k aurrera jarraitzen du, errepidea gurutzatuz, beste iturri batzuk bisitatzeko asmoz. Guk ordea, Iruñan bazkaria dugunez, errepidez egingo dugu kotxerainoko itzulia.

TRACKA ETA INFORMAZIOA

Tracka (Wikiloc): http://es.wikiloc.com/wikiloc/view.do?id=4076427

Distantzia: 3,3 km.

Altuera maximoa: 902m.

Altuera minimoa: 868m.

Desnibela positiboa: 66m.

Desnibel negatiboa: 57m.

TopoPiris

GoogleEarth

Altuera grafikoa

Iraule, Iraule orratzaren kanaletik (Saiakera)

Duela hilabete batzuk egin genuen gure lehen bisita Aizkorriko kanaletara. Kasu hartan Kanal Haundi izan zen gure igoera bidea. Beste zerbait egiteko gogotsu geunden, eta azken egunetako elurra ikusirik Iraulera bisita egitea erabaki genuen. 

SARRERA

Gipuzkoarren artean anitz ezaguna da Aizkorriko mendilerroa. Arantzazutik San Adriango kobaraino, aukera ugari ditu mendilerro honek: mendi igoera errazak, eskalada, neguko alpinismo...

Mendilerroko tontorrik ezagunena, izen berdina eramaten duen Aizkorri tontorra da (1523m), nahiz eta ez izan garaiena. Aitxuri da ohore hori duen tontorra. 

Korridore ugari daude mendilerroaren ipar aldean. Zegamatik ikusita aukera asko begiztatu daitezke. Hemen duzue Smithy-k bere blogean aurkezten dizkigun korridoreak. 

Gure bidea 11 zenbakiduna da

GURE BIDEA

Zegamako "apeaderoan" irtengo gara, basotik gora jarraituko dugu hainbat borda igaroaz. Ondorez, Sakon Haundira sartuko gara eta bertatik gora egingo dugu. Une batean, eskubira jo eta Iraule mendiak duen orratzaren ondotik sartuko gara.

Argazkia Smithy-rena da

DESKRIBAPENA

Altsasuko gasolindegia, 6:00. Elkar topo egin, kotxe bat bertan utzi eta Zegamarantz abiatzen gara ilusioz beteta.

Zegamako "apeaderoa", 6:45 (0:00), 541m. Kotxea aparkatu eta errepidetik beherantza 100 metro egin ondoren, eskubira pista bat irteten da. Bertatik jo behar dugu goruntz. Pista hau jarraitu beharra daukagu, gurutz bideetan eskubira harturik. Bidean hiruzpalau borda igaroko ditugu. 

Goiko borda

Goiko borda, 8:50 (2:05), 969m. Uste genuena baino elur askoz gehiago dago. Horren ondorioz, uste baino askoz mantsoago goaz. Eta hori ez da albiste ona. Smithy-ren hitzetan, goiko bordara iristeko ordu bete beharko dugu esan zidan. Guk ordea berak esandakoa baino 65 minutu gehiago behar izan ditugu. Elur gutxi dagoenean 4x4 batean borda honetaraino iritsi daiteke. Borda igaro eta ehun bat metro egin ostean, bidea utzi eta gorantza jo behar da zuzen-zuzen, Sakon Haundira sartzeko.

Elurra belauneraino

Bidea utzi behar den unea

Baso hontatik gora joaz, Sakon Haundin sartuko gara. Bertatik gora jo besterik ez da geratzen. Malda gogortu egiten da bertan.

Buelta eman genuen puntua

Sakon Haundi erdi aldera, 10:10 (3:25), 1182m. Elurraren egoera etzela batere ona ikusirik, uste baino mantsoago gindoazela ikusirik, eta eguerdirako etxean egon behar genuela kontuan izanda, buelta ematea erabaki genuen. Hamaiketakoa egin eta beheruntz abiatu ginen.

Beherako bidea zuzen-zuzen egin genuen, ia ia lerro zuzen bat marraztuaz gps-an. Horretarako txarrantxa batzuk igaro genituen, baita saltu txiki batzuk egin ere. (Beraz, kontuz track-a jarraitu ezkero)

Sakon Haundi beheko zelaitik

Iraule mendia, bere orratza ezkerrean duelarik

Panoa

Mikel kotxera iristen

Zegamako "apeaderoa", 12:00 (5:15), 541m. Elurraren kalitate eskasaren ondorioz sortutako penarekin Altsasurako bidea hartu genuen berriz. Hala ere, ziur nago, elurra egoera onean dagoenean, berriz izango garela hemen. 

TRACKA ETA INFORMAZIOA

Tracka (Wikiloc): http://es.wikiloc.com/wikiloc/view.do?id=4076437

Distantzia: 8,93km

Altuera max: 1183m.

Altuera min: 530m.

Desnibel positiboa: 657m.

Desnibel negatiboa: 657m.

TopoHispania

Google Earth 3D

Altuera grafikoa

Txindoki (1346metro)

SARRERA

Euskal Herrian mendi gutxi daude Txindoki bezain ezagun zein ederrak. "Euskal Zerbinoa" deitzen dioten mendi honek 1346 metrotako garaiera dauka. Larrunarri izenaz ere ezagutzen da. Gipuzkoan barrena sartzen den Aralargo mendikatearen barruan dago Txindoki. 

Aukera anitz ematen dituen mendia da hau: igoera normala, mendebaldeko arista, eskaladako guneak...

GURE BIDEA

Gaur jarraitutako bidea, bide erabiliena da, hain zuzen, Larraitzetik gora doana. Bideak ez dauka galbiderik, baina hala ere, nahi duenarentzat, sarreraren amaieran Tracka daukazue. Kontuan izan beharreko gauza bat, desnibela da. 950 metrotako desnibelari egin behar zaio aurre.

DESKRIBAPENA

Larraitzen hasiko dugu gaurko ibilia. Aparkalekuaren aurrean hasten den pista jarraitu beharra daukagu. Nahiz eta ez izan seinale askorik, egia esan, ez dira beharrezkoak. Bidea oso nabaria baita.

Pistaren amaieran basotxo bat zeharkatuko dugu, eta ondoren, mendiaren hego maldara irtengo gara. Bertan bira bat eginez, artzaien bordetara iritsiko gara. 

Gaztelu mendia

Jarraituko dugun bidea

Jeitsieran erabiliko dugun bidea

Orain arte daramagun bidea

Artzaien bordak

Bordetatik gora doan bideak ere ez du inongo zailtasunik. Gu igotako egunean, elur ugari zegoen, eta baita izotz pixkat ere. Baina hala ere, ez genuen zailtasunik izan.

Leporainoko bidea

Elur ugari zegoen

Tontorra

Txuri beltzean

Lainoek ez digute ezer ikusten uzten

Jeitsierarako erabiliko dugun bidea, beheko langara zuzen jeisten den bidea da. Bertan gerrirainoko elurra aurkitu genuen. Azkenik, igoerako bidearekin topo egin, eta berriz ere, Larraitzeraino desegin beharko dugu eginiko bidea.

Jeitsierako bidearen sarrera

Elurra belaunetaraino

Larraitz

TRACKA ETA INFORMAZIOA

Tracka (Wikiloc): http://es.wikiloc.com/wikiloc/view.do?id=4076429

Distantzia: 10,29km

Altuera max: 1346m.

Altuera min: 392m.

Desnibel positiboa: 953m.

Desnibel negatiboa: 953m.

TopoPiris

Google Earth 3D

Altuera grafikoa

Txindokira eginiko beste igoera batzuk:
     - Txindoki - Mendebaldeko arista (IV+) - Larraitzetik - 1346m (2011/07/30)
     - Txindoki - Mendebaldeko arista (IV+) - Larraitzetik - 1346m (2011/05/25)