2014/02/23

Adarra (819 metro) - Besabitik

Goiz buelta ezagunen artean ezagunenetakoa da Adarra mendia. Begiratoki eder zein erraza izanik, jende asko elkartzen da bertan igande zein jaiegunetan. 

GURE BIDEA

Oraingoan jarraitutako bidea, Besabi gainetik irten, Etenetako lepora igo eta bertatik Adarra mendiaren tontorrera doana da. Jeitsieran berriz, Arlegor eta Aballarri mendien tartetik igaro eta berriz ere Besabira doan bidea.

DESKRIBAPENA

Besabi gaina, 9:15 (0:00), 305m. Bertatik irten eta galdu ezina den bidetik goruntz jo beharra daukagu pistaz. Denbora gutxi barru, baserri baten ondoan, bidegurutze bat topatuko dugu. Bertan mendi bidea hautatu behar dugu. Ezkerreko bidea, pista bidea, jeitsieran erabiliko duguna da. 

Besabitik irteten
Mendi bidea hartu behar da hemen
Hernio eta Gazume aurrez aurre
Baso eder batetik egin behar dugu goruntz. Errekasto bat igaro eta malda tente batetik gora jo Etenetako leporalderantz. Bertara iristeko Adarra mendiari eskubiko magaletik bira emango diogu.

Basotik gora
Bide galduezina da
Iloba alai mendian
Erreskatoa zeharkatzen
Adarra eskuin magaletik inguratzen
Etenetako lepora iristen
Etenetako lepoa, 10:40 (1:25), 705m. Bertatik paisai ederrak ikusteko aukera daukagu, gainera, Adarra mendiko tontorrera iristeko falta zaigun azken txanpa osoa dakusagu. Azken malda honi aurre egin eta eguneko gailurra zapaltzeko moduan izango gara.

Etenetako lepotik Adarrako gailurrera falta den zatia
Azken maldan gora
Bagoaz goruntz, nahiz eta batzuk eskutik bultzaka doazen :)
Adarra mendia, 11:05 (1:50), 819m. Benetan leku bikaina. Begiraleku ederra da Adarra mendia. Inguruko mendi gehienak ikusteko aukera izango dugu bertatik. 

Aralar mendizerra: Balerdi, Irumugarrieta, Ttutturre...
Aizkorriko mendizerra: Aizkorri, Iraule, Aitxuri...
Tontorreko panoa
Jetsierako bidea, mendiaren kontrako magaletik egingo dugu. Arlegor eta Aballarri mendien tartetik igaro eta mendi pista batera irtengo gara. Bertatik ezkerrera hartu eta pistaz Besabira bueltatuko gara.

Beherako bidea
Koinatua eta iloba tontorraren alaitasunarekin
Aballarri mendia ezker magaletik igaroko dugu
Iparraldea ere begi bistan daukagu
Tontorretik behera eginiko bidea
Jeitsieraren lehen zatia. Kontu pixka bat izan behar da bertan
Muuuu!
Donostialde osoa daukagu aurrez aurre
Iloba eta ni neu
Beee!
Besabira iristen
Besabi gaina, 13:00 (3:45), 305m. Mendi buelta ederra egin ostean, bagoaz bazkaltzera. Ederra eguna!

TRACKA ETA INFORMAZIOA

Distantzia: 8,44km
Altuera max: 819m.
Altuera min: 305m.
Desnibel positiboa: 624m.
Desnibel negatiboa: 624m.


Ibilbideakeko mapa
Google Earth 3D
Altuera grafikoa

2014/02/19

Irumugarrieta / Intzako Dorrea (1430 metro)

Iruñeatik Donostiara goazenean zaila izaten da Azpirotzetik ikus daitekeen paisaiaz ez liluratzea. Aralar mendizerraren ikuspuntu ederrenetariko bat dugu bertatik ikusgai. Mendizerra honetako puntu gorena Irumugarrieta edo Intzako Dorrea da (1430m). Aspaldidanik nuen bertara bisitatxo bat egiteko gogoa eta, asteazken libre bat erabiliz, lagun batzuekin gerturatu nintzen bertara.

GURE BIDEA

Lekunberritik Aralargo Migel deunaren baselizara doan errepidan gora jodo dugu Albiko aparkalekurarte. Bertan utziko dugu gaur autoa. Hurrengo mapan ikus dezakezue non utzi behar den autoa.


Albiko aparkalekua, 9:20 (0:00), 980m. Aparkalekua amaitzen den lekuan, eskubirantz, pista bat irteten da, bertatik ekingo diogu bideari gaurkoan. Baso bat zeharkatuz, pagadi eder bat, goruntz joko dugu.

Albiko aparkalekutik irten berritan

Eskubiko pista hartzen

Pagadian gora
Bustintzako bordara iristean, ezkerraldetik joko dugu. Baso zein zelaitxoen artean, Ipuzmeakako leporantz joango gara. Bertan eskubi aldera jo eta Txameni mendiaren ezker magaletik aurrera egingo dugu. Uste baino elur gehiago topatu genuen, eta horrek, pausua mantxoagotu zigun.

Marta elurretan lehen pausuak ematen

David eta Andrés goruntz

Marta Txameni mendiaren lepotik behera

Andrés jolasean
Usulako errekastoa pasa eta Zeontzako trikuharria igaroko dugu. Ondoren Gr12-a zeharkatuko dugu. Azkenik zuzen zuzen, azken maldari ekingo diogu.

Azken maldan gora

Tontorra ez dago oso urrun

Azken elur malda zeharkatuz

Tontorra
Irumugarrieta edo Intzako dorrea, 11:50 (2:30), 1430m. Tontor honetik dauden paisai ederrak izanda, guk ezin ezer ikusi. Batzutan zortea ez da alde izaten. Azken bi orduetan lainotza izan dugu eta ezin izan dugu 50 metro baino gehiagoz gozatu. Hala ere, pozik gaude.

Tontorreko oroigarria

Aupa ekipo!
Beherako bidea gure urratsei jarraituz egingo dugu GR12-a topatu arte. Bertatik jarraituko dugu Unagako putzurarte, baita aurrerago segi ere.

Hamaiketakoa egiteko ere etzen eguraldi ederrik
 Unagako putzua, 13:05 (3:45), 1188m. Leku kuriosoa da hau. Aralar mendizerra, sistema karstiko bat da, beraz, bertan isurtzen den ur guzia lurpean galtzen da. Unagako putzua berriz, bere egitura edafologikoaren ondorioz (iragazgaitza den buztina du azpian), ura ez da lurpean galtzen. Guzti honen ikusgai da laku txiki hau. Gaur izoztua aurkitu dugu.

Unagako putzua

Urjauzi polita du ondoan

Izoztua dago gaur putzua
Unagako bailara txiki honetatik aurrera joko dugu Urdangoene errekastora iritsi arte, bertan norabidea azaltzen duen makil batek Albi aldera bidaliko gaitu. Horretarako errekastoaren ondotik egingo dugu aurrera ehun metroz, ondoren Buztintzako bordara iritsiko gara, eta hemen, goizean eginiko bidea desegitea besterik etzaigo geratuko.

Urdangoene errekastoa
Albiko aparkamentua, 14:10 (4:50), 980m. Ibilbide polita izan da, uste baino elur gehiago topatu dugun arren. Nire lagunek lakua asko gustatu zaiela diote, nahi eta lainoak ez digun gauz askorik ikusteko baimena eman.

Laster itzuliko gara!

TRACKA ETA INFORMAZIOA

Distantzia: 15,62km
Altuera max: 1430m.
Altuera min: 980m.
Desnibel positiboa: 701m.
Desnibel negatiboa: 701m.


TopoPiris

GoogleEarth 3D
Altuera grafikoa